Bazartete, 30 Jullu 2026 – Prezidenti Autoridade Munisipál Liquiçá, Sua Excelénsia Paulino Ribeiro, MPA, ofisialmente loke atividade Divulgasaun “Fortalese Justisa no Seguransa Nasionál iha Kombate Kriminalidade Organizada no Transnasionál”, ne’ebé realiza iha Salaun Vokasionál Postu Administrativu Bazartete.
Iha interbensaun, Prezidenti Autoridade Munisipál (PAM) hateten PCIC hanesan órgaun superior Polísia Kriminal nian ne’ebé iha responsabilidade atu halo prevensaun, investigasaun no redusaun kriminalidade iha Timor-Leste ne’e importante ba autoridade local sira tenki hatene PCIC nia servisu iha nasaun ne’e. PCIC tun mai fahe informasaun kona-ba lei no responsabilidade institusionál ba autoridade lokál sira. Atu hatene hodi implementa liu husi kontinua kontrola sidadán estranjeiru ne’ebé mai halo atividade iha ita nia nia suku.
PAM subliña katak ema estranjeru ne’ebé mai hela iha suku liu oras 24 tenke halo rejistu iha suku atu bele hetan akompanhamentu husi autoridade Suku. Iha Munisípiu Liquiçá iha potensiál bo’ot ba risku Kriminalidade Organizada no Transnasionál tamba lokalizasaun besik ho kapitál nasaun, Dili.
Presidente Autoridade Municipiu -PAM uja nia kompetesia husu ba Xefe autoridae Suku sira atu rejistu sidadáun estranjeru ka sidadaun Timor oan ne’ebé hela provizoriamente iha suku laran refere.Entertantu Objetivu husi divulgasaun ida-ne’e mak atu hasa’e koñesimentu komunidade kona-ba knaar, kompeténsia no responsabilidade PCIC tuir lei, hametin koperasaun entre PCIC, instituisaun relevante sira no komunidade iha prevensaun no kombate krime sira.
Partisipante sira iha atividade ne’e mak Komandante Esquadra Bazartete, Xefe Suku Leorema, Fahilebu,Mota Ulun,Ulmera,Tibar Lauhata,Fatumasi, Metagou no Maumeta hamutuk ho ofisial Polisia Suku sira hamutuk ho funsionáriu no Estudante sira.
Hakerek : #media_portalliquica.
Editor : Veronica J. Manek. Administrador SISD-Maumeta
