XEFE SUKU MAUMETA PARTISIPA IHA ENKONTRU KONSELLU KOORDENASAUN MUNISIPÁL

02 Sep 2026

Administradór

Imagen : Xefe Suku Maumeta, Victor da Silva Partisipa Iha Enkontru Konsellu Koordenasaun Munisipal (KKM) iha salaun Enkontru Autoridade Munisipal Liquica. Foto husi Ekipa Portal Municipio Liquica, (31/08).

Liquiçá, 31 Agostu 2026 – Xefe Suku Maumeta, Sr. Victor da Silva, partisipa iha Enkontru Konsellu Koordenasaun Munisipál (KKM), ne’ebé lidera no prezide hosi Prezidente Autoridade Munisipál Liquiçá, Sua Excelénsia Paulino Ribeiro, MPA.

Imagen : Diskursu Prezidente Autoridade Munisipál Liquiçá, Sua Excelénsia Paulino Ribeiro, MPA. Iha Enkontru Konsellu Koordenasaun Munisipal (KKM) iha salaun Enkontru Autoridade Munisipal Liquica. Foto husi Ekipa Portal Municipio Liquica, (31/08).

Enkontru ne’e realiza ho objetivu atu koordena no diskute matéria importante sira kona-ba dezenvolvimentu no administrasaun iha nivel munisipál.

Iha enkontru ohin loron, iha agenda prinsipál rua (2), mak:

1. Apresentasaun no aprovasaun ba Avaliasaun Kondisaun Mínima (AKM II), inklui prosesu atu produz livru dokumentasaun kona-ba rezultadu avaliasaun ne’e.

2. Apresentasaun no aprovasaun ba Arruamentu Postu Administrativu Loes, nu’udar parte husi prosesu administrativu iha nivel munisipál.

Enkontru Konsellu Koordenasaun Munisipál ne’e partisipa hosi Sekretáriu Munisipál na’in tolu (3), Diretór Servisu Munisipál sira, Diretór Delegasaun Teritoriál, Administradór Postu Administrativu na’in ha’at (4), no Xefe Suku sira ka reprezentante sira.

Enkontru ida ne’e importante tebes atu hametin koordenasaun entre estrutura administrasaun munisipál, Postu Administrativu no Suku sira, hodi asegura implementasaun servisu públiku no dezenvolvimentu munisipál lao ho efetivu, efisiente no tuir prioridade sira ne’ebé determina.